Мәскеуде 70 жасында совет диссиденті, математик, педагог, публицист, құқық қорғаушы және бұрынғы саяси тұтқын Валерий Сендеров қайтыс болды.
Сендеров 1970 жылдардың соңынан бастап СССР-де Халық еңбекшілері одағы мен Адам құқықтарының халықаралық қоғамының жұмыстарына белсенді түрде қатысты. Ол 1982 жылы тұтқындалып, "антисоветтік үгіт-насихат жүргізді" деген айыппен жеті жыл қатаң режимдегі колонияда отыруға және ары қарайғы бес жыл жер аударылу жазасына кесілген.
1987 жылы наурыз айында ол СССР-дегі басқа да саяси тұтқындармен бірге мерзімінен бұрын босатылады.
1988 жылы Валерий Сендеров диссидент Ростислав Евдокимовпен бірге Ресейдегі Халық еңбекшілері одағының барлық ұйымдарының жетекшісі болады.
Валерий Сендеров - "Вопросы философии", "Новый мир" журналдары, "Русская мысль" басылымы мен бірқатар жинақтарда жарияланған мақалалардың, математика мен функционалды талдау бойынша бірнеше жазбаның авторы.
