Accessibility links

Шекарадағы көлік кептелісі жайы анықталды


Өзбекстан мен Қазақстан шекарасындағы кеден бекеті. Өзбекстан, 23 тамыз 2012 жыл. (Көрнекі сурет)

Өзбекстан мен Қазақстан шекарасындағы кеден бекеті. Өзбекстан, 23 тамыз 2012 жыл. (Көрнекі сурет)

Оңтүстік Қазақстан облысы бойынша мемлекеттік кіріс департаменті төрағасының орынбасары Нұржан Теңлібаев "бірнеше күннен бері Қазақстан мен Өзбекстан шекарасында жүк көліктері ары қарай өте алмай, көлік кептелісі пайда болды" деген хабарды растады.

"Өзбек жағының кедендік рәсімдеу, кедендік бақылау қызметі баяу істеп жатыр. Дезинфекциялық тосқауыл дейді. Жолдарында жөндеу жұмыстары жүріп жатқан еді. Сол себепті қазіргі кезде көліктер тек жолдың бір жағымен ғана өтіп жатыр. Өзбекстан өкілдерімен кездестік, сөйлестік. Кешеден бастап өткізетін көліктер санын ұлғайтты. Кеше 71 жүк көлігі біз жаққа кірді, 64 көлік әрі қарай шықты" деді Нұржан Теңлібаев Азаттыққа.

Күніне жүздеген жүк көлігін өткізуге мүмкіндігі бар «Ялама» кеден бекеті 19 қарашаға дейін күніне 20-30 жүк көлігін ғана өткізген. Маман шекарадағы көлік кептелісін азайту үшін әлі бір-екі күн керек екенін айтады.
Бұл мәселе жайлы Өзбекстан ресми өкілдерінің пікірін білу мүмкін болмады.
  • 16x9 Image

    Мақпал МҰҚАНҚЫЗЫ

    1985 жылы дүниеге келген.
    2006 жылы Абылай хан атындағы Қазақ халықаралық қатынастар және Әлем тілдері университетін бітірген.
    2007 жылдан бері Азаттық радиосының тілшісі.

    Мақпал жаңа технологиялар, блогосфера, жастар өмірі мен түрлі әлеуметтік мәселелер туралы жазады. Автормен оның Facebook парақшасында да пікірлесуіңізге болады.

XS
SM
MD
LG