Accessibility links

Қырғызстан КО келісіміне осы айда қол қоймақ


Қырғызстанның экономика министрі Темір Сариев.

Қырғызстанның экономика министрі Темір Сариев.

"Қырғызстан елдің Кеден одағына (КО) қосылуы туралы келісімге желтоқсанның 23-і күні қол қоймақ" деп хабарлады Азаттықтың Қырғыз қызметі.

Қырғызстанның экономика министрі Темір Сариевтің парламентте айтуынша, президент Алмазбек Атамбаев елдің КО-ға кіруі туралы келісімге желтоқсанның 23-і күні қол қояды. Президент қол қойғаннан кейін аталған құжатты парламент ратификациялауы тиіс.

Қырғызстан үкіметі бұған дейін КО-ға кіруге қатысты 38 заң жобасы мен 12 құқықтық құжат әзірлеген. 38 заң жобасының 16-сы қабылданды. Парламент спикері Асылбек Жээнбековтің айтуынша, қалған заң жобалары мен құқықтық құжаттар жаңа жылға дейін қабылданады.

Президент Алмазбек Атамбаев бұған дейін де Қырғызстанның жаңа жылды "КО құрамында қарсы алатынын" айтқан.

XS
SM
MD
LG