Accessibility links

Олланд Назарбаевпен кездесті


Франция президенті Франсуа Олланд.

Франция президенті Франсуа Олланд.

Франция президенті Франсуа Олланд бүгін Ақордада Қазақстан президенті Нұрсұлтан Назарбаевпен кездесті.

Ақорданың баспасөз қызметінің хабарлауынша, президенттер екі елдің сауда-экономикалық, инвестициялық, мұнай-газ, ғарыш саласы және теміржол көліктерін құрастыру саласындағы ынтымақтастық мәселелерін талқылаған.

Кездесуде Назарбаев пен Олланд халықаралық және аймақтық кейбір мәселелер жайында да пікір алмасқан.

Назарбаевтың айтуынша, Қазақстанда 100-ден астам француз компаниясы, көптеген бірлескен кәсіпорындар жұмыс істейді.

Олланд Назарбаевпен Ресей мен Еуропа елдері арасындағы қарым-қатынас шиеленіскен тұста кездесіп отырғанын айтқан. "Мен бұл шиеленіс шешілгенін және мұнда сіздің еліңіздің ерекше рөл атқарғанын қалаймын" деген.

Франсуа Олландтың Қазақстанға бүгін басталған сапары ертең де жалғасады.

XS
SM
MD
LG