Accessibility links

Астана мен бірнеше облыста боран болатыны ескертілді


Қарағанды облысындағы боран. (Көрнекі сурет)

Қарағанды облысындағы боран. (Көрнекі сурет)

Қазақстан ішкі істер министрлігінің төтенше жағдайлар комитеті Қазақстанның бірнеше аймағында күн суытып, боран болатынын ескертеді.

Синоптиктер болжауынша, Астанада сенбі қар жауып, боран болуы мүмкін. Оңтүстік-батыстан соғатын желдің жылдамдығы секундына 15-20 метрге жетеді. 7-8 желтоқсанда түннің аязы 30 градусқа барады.

6-7 желтоқсанда Қостанай, Солтүстік Қазақстан, Ақмола, Павлодар облыстарында қар жауып, боран болады. Оңтүстік-батыстан соғатын желдің жылдамдығы секундына 15-20 метр болмақ. Бұл аймақтарда осы күндері түнгі температура 26-31 градус аязға дейін жетеді.

Батыс Қазақстан, Атырау облыстарында да аяз 24 градусқа жетуі мүмкін. Манғыстау облысында да 10-20 градусқа дейін күн суытады.

7 желтоқсанда Оңтүстік Қазақстан, Жамбыл, Алматы облыстарында қар жауып, боран соғуы мүмкін.

7 желтоқсан Қарағанды, Шығыс Қазақстан облыстарында да қар жауып, боран соғады. 7-9 желтоқсан күндері бұл аймақтардағы күннің аязы 30-35 градусқа жетуі мүмкін.

7 желтоқсанда Қызылорда облысында 17-27 градустық аяз болады.

XS
SM
MD
LG