Accessibility links

Өзбек сайлауының алғашқы қорытындысы шықты


Өзбекстандағы сайлау. (Көрнекі сурет)

Өзбекстандағы сайлау. (Көрнекі сурет)

Өзбекстанда 21 желтоқсанда өткен, парламенттің төменгі палатасына депутат сайлаудың алғашқы нәтижелері белгілі болды.

Өзбекстан орталық сайлау комиссиясының төрағасы Мирзо-Улуғбек Абдусаломовтың мәлімдеуінше, 18 миллион 400 мың сайлаушы дауыс берген. Бұл бүкіл сайлаушылардың 88 пайызын құрайды.

Сайлаудың алғашқы қорытындылары бойынша, парламенттегі 47 орынды - Өзбекстан либералдық-демократиялық партиясы, 28 орынды - "Миллий тикланиш" ("Ұлттық жаңғыру") демократиялық партиясы, 21 орынды - Өзбекстан халықтық-демократиялық партиясы, 17 орынды "Адолет" ("Әділет") социал-демократ партиясы иеленген.

Сайлауды 300-ден астам шет мемлекеттер және халықаралық ұйымдар өкілдері бақылаған.

Өзбекстан парламентінің бұған дейінгі сайлауы 2009 жылы өткен еді. Ол жолы да ең көп орынды либералдық-демократиялық партия өкілдері иеленген.

XS
SM
MD
LG