Accessibility links

Гүлжан Ерғалиева "соққыға жығылғанын" хабарлады


ADAM bol журналының бас редакторы Гүлжан Ерғаилева сот залында. Алматы, 22 желтоқсан 2014 жыл.
ADAM bol журналының бас редакторы Гүлжан Ерғаилева сот залында. Алматы, 22 желтоқсан 2014 жыл.

«Adam bol» журналының бас редакторы Гүлжан Ерғалиева желтоқсанның 23-і түнде өзін "белгісіз біреулер ұрып кеткенін" хабарлады.

Ерғалиеваның Азаттыққа айтуынша, ол түнде журнал ісіне қатысты кезекті сот отырысынан үйіне оралып, подъезде лифт күтіп тұрғанда белгісіз біреу ту сыртынан келіп басынан ұрған. Ол соққыдан жерге құлап, есін жиғанда соққыға жыққан адам қашіп кеткенін айтады. Өзін ұрған адамның бет-әлпетін көре алмаған.

Ерғалиева Азаттыққа бұл оқиғаға байланысты полицияға шағымданбағанын, бірақ мұны өзінің кәсіби қызметімен байланыстыратынын айтады.

Алматының Медеу аудандық соты қалалық ішкі саясат басқармасының журналдың үстінен берген шағымын қарап жатыр. Шағымда журнал нөмірлерінің біріндегі мақалада "соғысты насихаттау" белгілері бары айтылады.

Медеу аудандық соты қарашаның 20-сында қалалық ішкі саясат басқармасының шағымы бойынша Adam bol журналының таралуына, оның ішінде электронды түрде басылуына тыйым салып, қызметін тоқтатқан. Сол күні сот орындаушылары редакция кеңсесіне мөр басып, журналдың кезекті нөмірін тәркілеп әкеткен. Билік журналдың Киевте тұратын қазақстандық саяси эмигрант Айдос Садықовтан алған сұхбатында "соғысты насихаттағаны туралы белгілер бар" деп санайды.

XS
SM
MD
LG