Футзалдан Алматының "Қайрат" командасы "Астана" кәсіптік спорт клубының қатарына енді. Енді бұл команда толығымен "Самұрық-Қазына" әл-ауқат қорынан қаржыландырылады.
Екіжақты келісім-шарттан кейін алматылық футзал клубының атын "Астана-Қайрат" деп өзгерту туралы шешім қабылданды. Енді команда алдағы жарыстарға осы атпен қатысады.
Келісім-шартқа қол қою сәтінен кейін команда президенті Қайрат Боранбаев: "Мақсатымыз - "Қайрат" және "Астана" атауы арқылы әлемдік аренаға шығу. Команданың атауы өзгергеніне қарамастан "Астана-Қайрат" өз ойындарын Алматыда өткізе береді" деп мәлімдеді.
"Астана-Қайрат" клубы Қазақстан чемпионатын он рет ұтқан. Клуб 2013 жылы УЕФА кубогын, 2014 жылы әлемнің Суперкубогын иеленді.
