Accessibility links

ИМ 6 айда 2 мың адамды өлім жазасына кескен


"Ислам мемлекетінің" туын ұстап тұрған адам (Көрнекі сурет)

"Ислам мемлекетінің" туын ұстап тұрған адам (Көрнекі сурет)

"Ислам мемлекеті" (ИМ) маусымнан бері 2 мың адамды өлім жазасына кескен деп мәлімдеді Сириядағы адам құқықтарын зерттеумен айналысып жүрген ұлыбританиялық ұйым.

Зерттеу қорытындысы бойынша, "Ислам мемлекеті" Деир әл-Зоур, Рагга, Хама, Алеппо, Әл-Хасака қалаларында қарапайым 1200 азаматты өлім жазасына кескен. "Ислам мемлекеті" тұтқындарды ату, басын кесу, дарға асу арқылы өлтірген.

Сондай-ақ "Ислам мемлекеті" құрамына шетелден келіп қосылған 116 еріктіні елдеріне қашпақ болғаны үшін өлтірген. Ұйым төрт мүшесін "ішкі қағидаларын сақтамағаны үшін" өлім жазасына кескен.

Ұйым 500-ге жуық сириялық сарбазды және басқа исламшыл топтардың 100-ге жуық мүшесін мерт қылған.

АҚШ Кобаниде ұйымдастырылған коалицияның әуе шабуылы "Ислам мемлекетінің" 13 ошағын жойғанын мәлімдеді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG