Accessibility links

Бостон - 2024 жылғы олимпиадаға кандидат


Олимпиада ойындарының туы (Көрнекі сурет)

Олимпиада ойындарының туы (Көрнекі сурет)

2024 жылғы жазғы олимпиаданы өткізуге кандидатурасын ұсынған Бостон қаласы АҚШ-тың ішкі жарысында Вашингтон, Сан-Франциско және Лос-Анжелес қалаларын жеңді.

Халықаралық олимпиада комитеті президенті Томас Бах "Бостон - спорттық тарихқа бай, ғылым мен білімнің қаласы. Бостон олимпиада өткізуге мықты кандидаттардың бірі болады" деді.

АҚШ президенті Барак Обама "Бостон америкалықтарға мықты болуды үйреткен қала" деп, Бостондағы терактіні еске алды.

2013 жылы Бостон марафоны кезіндегі терактіде бірнеше адам мерт болып, жүздеген адам жарақаттанған.

2024 жылғы жазғы олимпиаданы өткізуге Рим (Италия) де кандидатурасын ұсынған. Ал Германия Берлин мен Гамбургтің бірін олимпиадаға кандидат ретінде ұсынуы тиіс. Франция, Венгрия, Оңтүстік Африка республикасы да ұсыныс дайындап жатыр.

2024 жылғы олимпиада өтетін қала 2017 жылы белгілі болады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG