Accessibility links

Полторанин "Тур-де-Ски" кезеңінде күміс алды


Қазақстан шаңғышысы Алексей Полторанин

Қазақстан шаңғышысы Алексей Полторанин

Қазақстандық шаңғышы Алексей Полторанин Вал-де-Фиеммеде (Италия) өткен "Тур-де-Ски" жарысының төртінші кезеңінде күміс медаль алды.

Ол 15 километрге классикалық әдіспен жарысуда мәреге германиялық Тим Чарнкемен бірге келген. Кейін фотофиниш арқылы жеңіс неміс шаңғышысына берілді. Қола жүлдені швейцариялық Дарио Колонья иеленді.

Полторанин осыған дейін Тоблахта (Италия) өткен "Тур-де-Ски" кезеңінде 10 километрлік жарыста алтын алған.

"Тур-де-Ски" - халықаралық шаңғы федерациясы (FIS) жыл сайын ұйымдастыратын төрт кезеңнен тұратын жарыс. Онда алған орнына қарай спортшыларға ұпай беріліп, ол ұпайлары әлем кубогының нәтижесіне қосылады. Ал наурызда әлем кубогы мен "Тур-де-Ски" кезеңдерінің қорытындысы бойынша ең көп ұпай жинаған шаңғышы әлем кубогын иеленеді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG