Accessibility links

"Ұлтаралық араздық қоздыру" айыбы бойынша сот шегерілді


"Ұлтаралық алауыздықты қоздырды" деп айыпталған Татьяна Шевцова-Валованың сотына жиналғандар. Алматы, 12 қаңтар 2015 жыл.

"Ұлтаралық алауыздықты қоздырды" деп айыпталған Татьяна Шевцова-Валованың сотына жиналғандар. Алматы, 12 қаңтар 2015 жыл.

Алматының Алатау аудандық соты "ұлтаралық алауыздықты қоздырды" деген айып тағылған Татьяна Шевцова-Валованың ісі бойынша сот отырысын қаңтардың 23-іне шегерді деп хабарлайды Азаттық тілшісі.

Бүгін Алатау аудандық сотында қылмыстық кодекстің "әлеуметтiк, ұлттық, рулық, нәсiлдiк немесе дiни араздықты қоздыру" бабы бойынша айып тағылған Татьяна Швецова-Валованың үстінен сот процесі басталуы тиіс болатын. Қылмыстық істі қозғауға Шевцова-Валованың әлеуметтік желідегі жазбалары себеп болған. Жазбаларда "ұлттық ерекшелікке қатысты кемсіту" барын айтқан бірнеше қолданушы билік орындарына шағым түсірген.

Азаттық тілшісінің айтуынша, бүгінгі сотқа журналистерді кіргізбеген. Сот басталғанда Шевцова-Валова адвокатының сотқа келмеуіне байланысты отырысты кейінге шегеруді сұраған. Судья Т.А.Мақұлов оның шағымын қанағаттандырып, сот отырысын қаңтардың 23-іне белгілеген.

Соттан шыққаннан кейін Шевцова-Валова журналистерге әлеуметтік желілердегі жазбаларды өзі жазбағанын айтып, айыбын мойындамайтынын мәлімдеген.

  • 16x9 Image

    Мақпал МҰҚАНҚЫЗЫ

    1985 жылы дүниеге келген.
    2006 жылы Абылай хан атындағы Қазақ халықаралық қатынастар және Әлем тілдері университетін бітірген.
    2007 жылдан бері Азаттық радиосының тілшісі.

    Мақпал жаңа технологиялар, блогосфера, жастар өмірі мен түрлі әлеуметтік мәселелер туралы жазады. Автормен оның Facebook парақшасында да пікірлесуіңізге болады.

XS
SM
MD
LG