Accessibility links

"Ұлтараздықты қоздыру" айыбы бойынша сот басталды


"Ұлтаралық алауыздықты қоздырды" деп айыпталған Татьяна Шевцова-Валованың сотына жиналғандар. Алматы, 12 қаңтар 2015 жыл

"Ұлтаралық алауыздықты қоздырды" деп айыпталған Татьяна Шевцова-Валованың сотына жиналғандар. Алматы, 12 қаңтар 2015 жыл

Алматының Алатау аудандық сотында бүгін "ұлтаралық алауыздықты қоздырды" деп айыпталған Татьяна Шевцова-Валованың ісі бойынша сот отырысы басталды деп хабарлайды Азаттық тілшісі. Сот отырысы жабық түрде өтіп жатыр. Отырысқа қатысуға келген журналистер сыртта күтіп тұр.

Алатау аудандық сотында қылмыстық кодекстің "әлеуметтiк, ұлттық, рулық, нәсiлдiк немесе дiни араздықты қоздыру" бабы бойынша айып тағылған Татьяна Швецова-Валованың үстінен сот процесі қаңтардың 12-сі басталуы тиіс болатын. Бірақ сол кезде Шевцова-Валова адвокатының сотқа келмеуіне байланысты отырыс кейінге шегерілген.

Қылмыстық істі қозғауға Шевцова-Валованың әлеуметтік желідегі жазбалары себеп болған. Жазбаларда "ұлттық ерекшелікке қатысты кемсіту" барын айтқан бірнеше қолданушы билік орындарына шағым түсірген.

Қаңтардың 12-сі соттан шыққаннан кейін Шевцова-Валова журналистерге әлеуметтік желілердегі жазбаларды өзі жазбағанын және тағылған айыпты мойындамайтынын айтқан.

  • 16x9 Image

    Нұртай ЛАХАНҰЛЫ

    Нұртай Лаханұлы. 1973 жылы дүниеге келген. 1998 жылы әл-Фараби атындағы қазақ ұлттық университетінің филология факультеті бойынша тәмамдаған.  «Қазақстан-Заман» газеті мен «Қазақ радиосында» қызмет еткен. 2010 жылдан бері Азаттық радиосында  жұмыс істейді.

XS
SM
MD
LG