Accessibility links

ИМ Ауғанстан мен Пәкістандағы басшысын тағайындады


Радикалды "Ислам мемлекетінің" содырлары әскери шеру кезінде. Сирия, маусым 2014 жыл. (Көрнекі сурет).

Радикалды "Ислам мемлекетінің" содырлары әскери шеру кезінде. Сирия, маусым 2014 жыл. (Көрнекі сурет).

Радикалды "Ислам мемлекеті" (ИМ) ұйымы Талибанның Пәкістандағы бұрынғы командирі Хафиз Саид Ханды өзінің Пәкістан мен Ауғанстандағы басшысы етіп тағайындады. Бұл жайында ИМ ресми өкілі Абу Мухаммад әл-Аднани Twitter-де жариялаған аудио жазбасында мәлімдеді.

40 жастағы Хафиз Саид Хан бір кездері Пәкістандағы бірнеше содырлар тобын біріктіретін "Техрик-е Талибан Пәкістан" ұйымының ресми өкілі болған.

Бұдан бірнеше апта бұрын Пәкістандағы Талибанның бірнеше басшысы "Ислам мемлекеті" ұйымының басшысы Абу Бакр әл-Бағдадиге адал екендігін мәлімдеп, ант берген. Бұған дейін Ауғанстандағы Талибанның бұрынғы жетекшісі Мулла Рауф Гильменд уәлаятында ИМ қатарына адам тартумен айналысып жүр деген ақпарат та тараған.

XS
SM
MD
LG