Accessibility links

Қазақстан Рио 2016-ның алғашқы жолдамасын алды


Қазақстан бокшысы Берік Әбдірахманов (сол жақта) AIBA Pro Boxing жобасындағы кездесудің бірінде жеңіске жеткен сәті (Сурет әлемдік бокс федерациясының ресми сайтынан алынды)

Қазақстан бокшысы Берік Әбдірахманов (сол жақта) AIBA Pro Boxing жобасындағы кездесудің бірінде жеңіске жеткен сәті (Сурет әлемдік бокс федерациясының ресми сайтынан алынды)

Боксшы Берік Әбдірахманов олимпиада жолдамасын AIBA Pro Boxing турнирі аясында жеңіп алды.

60 килограмдық салмақтың финалында Берік Әбдірахманов өзбек Хуршид Торшибаевпен сегіз раунд бокстасып, үстем түсті. Үш төреші де жеңісті Әбдірахмановқа берген.

AIBA ережесі бойынша бұл жарыста жеңген боксшы Бразилияның Рио-де-Жанейро қаласында 2016 жылы өтетін олимпиадаға тікелей жолдама алады.

Әбдірахманов - 2013 жылғы Азия чемпионы, 2014 жылғы әлем чемпионатының қола жүлдегері.

Боксшылар олимпиаданың қалған жолдамаларын алу үшін WSB додасы мен биыл Дохада өтетін бокстан әлем чемпионатында бәсекеге түседі.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG