Accessibility links

Федерация кубогы: Қазақстан Қытайды жеңді


Қазақстандық теннисші Ярослава Шведова

Қазақстандық теннисші Ярослава Шведова

Теннистен Федерация кубогының Азия-Тынық мұхиты аймағындағы бірінші тобында ойнап жатқан Қазақстан әйелдер құрамасы алғашқы матчта Қытайды жеңді.

4 ақпанда өткен кездесуде Зарина Дияс Чжан Шуайды 7:5, 6:0 есебімен, Ярослава Шведова Пэн Шуайды 4:6. 6:4. 6:3 есебімен жеңді.

Ал Кәмила Керібаева/Юлия Путинцева жұбы қытайлық Пэн Шуай/Чжен Сайсай жұбынан 1:6. 5:7 есебімен жеңілді.

Алғашқы екі жекелей матчта жеңіске жеткен Қазақстан қорытындысында Қытайды 2:1 есебімен ұтты.

Қазақстан А тобындағы келесі кездесуін Тайвань (5 ақпан) және Таиландпен (6 ақпан) өткізеді.

Ал В тобында Жапония, Өзбекстан, Гонконг, Оңтүстік Корея теннисшілері кездеседі. Әр топтың бірінші орын алған құрамалары финалға шығып, жеңіске жеткені екінші әлемдік топтың плей-офф кезеңіне жолдама алады.

2014 жылы Федерация кубогын Германияны 3:1 есебімен ұтқан Чехия құрамасы иеленген.

XS
SM
MD
LG