Accessibility links

Президенттікте өзін-өзі ұсынған Маишев тіл емтиханына келмеді


Мерзімінен тыс президент сайлауына қатысуға ниет білдірген өзін-өзі ұсынушы Қайрат Маишев мемлекеттік тіл бойынша емтиханға келмеген. Бұл туралы журналистерге орталық сайлау комиссиясының баспасөз хатшысы Венера Жексембекова хабарлады.

Әскер саласындағы маман Қайрат Маишев наурыздың 10-ы күні Астана уақытымен түскі сағат 15:00-да емтиханға келуі тиіс болатын. Алайда келмеген. ОСК өкілдерінің айтуынша, "егер Маишевтің келмеуінің дәлелді себебі болса, онда оған тағы бір рет тапсыру мүмкіндігі берілуі мүмкін".

Қазіргі кезде сайлауға қатысуға ниет білдірген 14 адамның алтауы мемлекеттік тіл бойынша емтиханнан өте алмаған. Олардың арасында қоғамдық белсенді Есенбек Өктешбаев, "Кенесары хан" қоғамдық қорының жетекшісі Уәлихан Қайсар да бар.

  • 16x9 Image

    Мақпал МҰҚАНҚЫЗЫ

    1985 жылы дүниеге келген.
    2006 жылы Абылай хан атындағы Қазақ халықаралық қатынастар және Әлем тілдері университетін бітірген.
    2007 жылдан бері Азаттық радиосының тілшісі.

    Мақпал жаңа технологиялар, блогосфера, жастар өмірі мен түрлі әлеуметтік мәселелер туралы жазады. Автормен оның Facebook парақшасында да пікірлесуіңізге болады.

AzattyqTV

Беларусь аймақтары

«Ашулы белорус» марштары

Аудиоподкаст

XS
SM
MD
LG