Accessibility links

ЕҚЫҰ Шығыс Украинадағы миссиясын ұзартты


Украина әскерінің ауыр қару-жарақтарын әкеткенін тексеріп жүрген ЕҚЫҰ бақылаушылары. Донецк облысы, 26 ақпан 2015 жыл.
Украина әскерінің ауыр қару-жарақтарын әкеткенін тексеріп жүрген ЕҚЫҰ бақылаушылары. Донецк облысы, 26 ақпан 2015 жыл.

ЕҚЫҰ Украинаның шығысындағы миссиясының мандатын тағы бір жылға - 2016 жылдың наурыз айының соңына дейін дейін ұзартты. ЕҚЫҰ баспасөз хатшысы Мерсих Подичтің мәлімдеуінше, ұйымға мүше елдер миссия мандатын ұзартуды 12 наурыз күні қолдаған. Оның сөзіне қарағанда, "жағдайға қарай" арнайы миссия сарапшыларының саны мың адамға дейін жетуі мүмкін.

Өткен жылдың сәуірінен бері жалғасып келе жатқан Украинаның шығысындағы ресейшіл сепаратистер мен үкімет әскері арасындағы қақтығыстан қаза тапқандар саны 6 мыңнан асқан.

ЕҚЫҰ 12 ақпан күні жасалған бітімнің орындалуын бақылау үшін аймаққа 470 бақылаушы жіберген. 15 ақпан күні күшіне енген бейбіт келісім әскери іс-қимылдардың біраз толастауына және екі тараптың да қақтығыс аймақтарынан ауыр қару-жарақтарын әкетуіне ықпал еткен.

XS
SM
MD
LG