Accessibility links

Қанат Ислам 19-мәрте жеңіске жетті


Қанат Ислам (оң жақта) мен Фидель Монтеррос Муньоспен кездесуі. Колумбия, 7 тамыз 2014 жыл. Сурет боксшының жеке мұрағатынан алынды.

Қанат Ислам (оң жақта) мен Фидель Монтеррос Муньоспен кездесуі. Колумбия, 7 тамыз 2014 жыл. Сурет боксшының жеке мұрағатынан алынды.

Қазақ боксшысы Қанат Ислам өзінің кәсіпқой бокстағы 19-кездесуін өткізіп, 19 мәрте жеңіске жетті.

Ол 24 наурызда Колумбияда жергілікті боксшы Орландо Де Хесус Эстраданы төртінші раундта нокаутпен жеңіп, WBA Fedelatin нұсқасы бойынша әлем чемпионы атағын қорғап қалды.

Кездесуден кейін Ислам бапкерлеріне, демеушілеріне алғысын білдіріп, келесі 20-кездесуін АҚШ-та өткізгісі келетінін айтты.

Осы кездесудің алдында тағы бір қазақ боксшысы Жанқош Тұраров та колумбиялық боксшы Дунис Лианды жеңді. Жетінші раундта Тұраровтың ауыр соққыларынан кейін төреші кездесуді тоқтатуға мәжбүр болды.

Қытайда туған этникалық қазақ Қанат Ислам 2008 жылы Пекин олимпиадасына сол елдің атынан қатысып, қола жүлде иеленген. Ол 2010 жылы Қазақстан азаматтығын алып, «Астана арландары» клубында бокстасып жүрді.

Боксшы 2012 жылы Лондон олимпиадасына Қазақстан атынан қатысуына байланысты азаматтық-құқықтық дау туған соң кәсіпқой боксқа бет бұрып, АҚШ-қа кеткен.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG