Accessibility links

Денис Тен әлем чемпионатында қола алды


Қазақстан мәнерлеп сырғанаушысы Денис Тен "Төрт құрлық чемпионатында" өнер көрсетіп жатқан сәті. Сеул. 14 ақпан 2015 жыл

Қазақстан мәнерлеп сырғанаушысы Денис Тен "Төрт құрлық чемпионатында" өнер көрсетіп жатқан сәті. Сеул. 14 ақпан 2015 жыл

Қытайдың Шанхай қаласында мәнерлеп сырғанаудан әлем чемпионаты аяқталды.

Ерлер арасында қазақстандық Денис Тен қола медаль иеленді. Ол қоссайыс қорытындысы бойынша 267,72 ұпай жинады.

Алтынды испандық Хавьер Эрнандес иеленді — 273,90. Ал былтырғы әлем чемпионы, Сочи олимпиадасының чемпионы жапониялық Юдзуру Ханю күміс алды — 271,08 ұпай.

Тен ақпанда Сеулде (Оңтүстік Корея) өткен "Төрт құрлық чемпионатында" 289,46 ұпаймен алтын алған.

Тен 2013 жылғы әлем чемпионатының күміс жүлдегері, 2014 жылы Сочи олимпиадасының қола медалін иеленген.

2016 жылғы әлем чемпионаты Бостонда (АҚШ) өтеді. Бұл чемпионатқа Қазақстанның атынан екі ер конькиші қатысады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG