Accessibility links

Қазақстан мен Ресей құрамасы тең түсті


Қазақстан мен Ресей арасындағы матчтан көрініс. Мәскеу. 1 сәуір 2015 жыл

Қазақстан мен Ресей арасындағы матчтан көрініс. Мәскеу. 1 сәуір 2015 жыл

Футболдан Қазақстан құрамасы Мәскеуде Ресеймен жолдастық матч өткізіп, 0:0 есебімен тең түсті.

Бұл матчқа Ресей құрамасының сапында негізінен жас футболшылар қатысты. Жеті футболшы Ресей құрамасындағы алғашқы ойындарын өткізді.

Ал Қазақстаннан Георгий Жуков ұлттық құрамадағы бірінші матчын ойнады.

Қазақстан мен Ресей 2008 жылы Мәскеуде жолдастық матч өткізіп, бұл ойында Ресей 6:0 есебімен жеңіске жеткен.

Ресейлік Юрий Красножан жаттықтыратын Қазақстан құрама командасы 28 наурызда Астанада Евро-2016 жарысына іріктеу турнирінде Исландиямен кездесіп, 0:3 есебімен жеңіліп қалған. Енді Қазақстан құрамасы 16 маусымда Астанада Евро-2016 жарысына іріктеу турнирінің аясында Түркиямен кездеседі

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG