Accessibility links

Қазақстанның бірінші ракеткасы Зарина Дияс 6 сәуірде жарияланған әлемдік рейтингте 31-орынға көтерілді. Ол өткен аптадағы рейтингте 32-орында болған. Қазір Зарина Дияста 1425 ұпай бар.

Қалған екі қазақстандық теннисші Ярослава Шведова 74-орыннан 78-орынға түссе, Юлия Путинцева 102-орыннан 99-орынға көтерілді.

Қазақстанның үш теннисшісі де 6 сәуірде Чарлестонде басталатын Family Cup жарысына қатысады.

Ерлер арасындағы әлемдік рейтингте Михаил Кукушкин 57-орыннан 53-орынға шықса, Андрей Голубев 89-орыннан 96-орынға төмендеді.

Әлемдік рейтингте америкалық Серена Уильямс (әйелдер) мен серб Новак Джокович (ерлер) бірінші орында тұр.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG