Accessibility links

Белсенділер Алматыда Георгий лентасын тақпауды сұрады


Бүгін Алматыда бір топ азаматтық белсенді қала әкімі Ахметжан Есімовтің атына Георгий лентасын тағуды тоқтатуды сұрап хат тапсырды.

Бір топ қоғамдық белсенділердің хатын әкімнің кеңсесі қабылдап алды. 20 адам қол қойған хатта белсенділер Есімовтен Алматыдағы мектептерде 9 мамыр Жеңіс күні қарсаңында Георгий лентасын таратқызбауды сұраған. Олар Алматыда 9 мамырда Ресей империясы мен советтік кезеңнің әскери символы болған әулие Георгий лентасының орнына көк түсті лента тағып шығуды ұсынады.

Белсенді Ботагөз Зарқынқызының айтуынша, сарғыш-қара түсті Георгий лентасы бұрын "Ресейде отарлау ісіне еңбегі сіңгендерге берілгендіктен" және Ресей Қырымды тартып алып, Шығыс Украинадағы жанжалға киліккенде сепаратистер қолданғандықтан Қазақстанда оны тағудың жөні жоқ.

"Мұның орнына тұрғындардың Қазақстан туымен үндес көк түсті лента таққаны жөн" дейді белсенді.

  • 16x9 Image

    Нұртай ЛАХАНҰЛЫ

    Нұртай Лаханұлы. 1973 жылы дүниеге келген. 1998 жылы әл-Фараби атындағы қазақ ұлттық университетінің филология факультеті бойынша тәмамдаған.  «Қазақстан-Заман» газеті мен «Қазақ радиосында» қызмет еткен. 2010 жылдан бері Азаттық радиосында  жұмыс істейді.

XS
SM
MD
LG