Футзалдан Алматының "Қайрат" командасы УЕФА кубогының финалына шықты. Лиссабонда (Португалия) өтіп жатқан биылғы турнирдің жартылай финалында "Қайрат" Ресей чемпионы "Дина" командасын жеңді - 7:4.
Ойынның негізгі уақыты 3:3 есебімен тең аяқталып, қосымша он минутта "Қайрат" қарсыластарының қақпасына төрт гол салды.
"Қайраттың" финалдағы қарсыласы "Барселона" (Испания) - "Спортинг" (Португалия) арасындағы матчта анықталады.
Финал және үшінші орын үшін матч 26 сәуірде өтеді.
Алматының "Қайрат" футзал командасы 11 дүркін Қазақстан чемпионы. 2013 жылғы УЕФА кубогының иегері.
