Accessibility links

Непалда үйінді астынан жасөспірімді тірі алып шықты


Үйінді астында қалған адамды құтқару сәті. Непал, Катманду, 30 сәуір 2015 жыл.

Үйінді астында қалған адамды құтқару сәті. Непал, Катманду, 30 сәуір 2015 жыл.

Непалда құтқарушылар күшті жер сілкінісі кезінде қиранды астында қалған 15 жастағы баланы бес күннен кейін құтқарып алып шықты. Непал полициясының хабарлауынша, жасөспірім бүгін Катмандудағы Hilton Guesthouse деп аталатын ғимарат үйіндісінің астынан табылған.

АҚШ-тың халықаралық даму агенттігінің (USAID) құтқарушыларын басқарушы Эндрю Ольвера жасөспірім үйіндінің өте астында емес, беткі қабаттарында жатқанын, бірақ қираған ғимараттың екі қабатының арасында қысылып қалғанын айтады. USAID құтқарушылары оқиға орнында түні бойы жұмыс істеген.

Непал астанасы Катманду қаласында 25 сәуірде қуаты 7,8 магнитуданы құрайтын жер сілкінісі болған. Зілзаладан қаза тапқан адамдар 5500-ден астам. Непал билігі табиғи апаттан жараланғандар саны 11 мың 500-ден асқанын хабарлады.

XS
SM
MD
LG