Астанадағы Гумилев атындағы Еуразия ұлттық университетінде бүгін блогер суретші Аңсаған Мұстафаның Қазақ хандығының 550 жылдығына арналған "Шашу" атты сурет көрмесі өтіп жатыр.
Көрмеге хандар мен батырлардың, Абылай ханның, Абай Құнанбайұлы, Ыбырай Алтынсарин, Шоқан Уәлихановтың, Жұмабай Тәшенов, Қайрат Рысқұлбековтың суреттері салынған футболкалардың макеттері қойылған. Кейбір макеттерге ою-өрнектердің суреттері салынған.
Аңсаған Мұстафаның айтуынша, көрме күзге қарай облыстарда да өткізілуі мүмкін.
