Accessibility links

Кабулдегі шабуыл құрбандары 14 адамға жетті


Кабулдегі Park Palace Hotel қонақүйінің кіреберісі. Ауғанстан, 14 мамыр 2015 жыл.
Кабулдегі Park Palace Hotel қонақүйінің кіреберісі. Ауғанстан, 14 мамыр 2015 жыл.

БҰҰ Кабулдагі шетелдіктер жиі баратын Park Palace Hotel қонақүйіне "Талибан" мүшелері жасаған шабуылдан қаза тапқандар саны 14-ке жеткенін хабарлады.

Қонақүйде болған тағы 54 адам қауіпсіздік қызметінің бірнеше сағатқа созылған операциясынан соң құтқарылды. Құтқарылғандар арасында 45 шетелдік бар. БҰҰ-ның Ауғанстанға көмек көрсету миссиясы бүгін "Park Palace Hotel қонақүйінде мәдени шараға жиналғандарға қарсы жасалған шабуылдан 14 адамның өмірі қиылып, бірнеше адам жараланды" деп мәлімдеді.

Ауғанстан полициясының аты-жөнін атамаған өкілі қаза тапқандардың бесеуі ауғандық, тоғызы шетелдік екенін айтты. Шетелдік тоғыз адамның жетеуі ер, екеуі әйел адам.

Бұған дейін Кабул полициясының басшысы Абдул Рахман Рахими қаза тапқандар арасында бір америкалық, бір италиялық және үндістандық бес азамат барын хабарлаған. Оның орынбасары Саид Гүл Ага Рохани белдеріне жарылғыш заттарын байлаған содырлардың көзі жойылғанын, олардың өздерін жарып жіберуіне мүмкіндік берілмегенін айтқан.

"Талибан" өкілі Забиулла Муджахи Азаттықтың Азат Ауғанстан қызметіне жолдаған хатында шабуылды өз ұйымы жасағанын мәлімдеді.

XS
SM
MD
LG