Accessibility links

Ресей хоккейшілері екінші жыл қатарынан финалда


Ресей құрамасының ойыншылары Евгений Малкин (11) мен Владимир Тарасенко.

Шайбалы хоккейден Чехияда өтіп жатқан әлем чемпионатының екінші жартылай финалында Ресей 4:0 есебімен АҚШ-ты жеңіп, финалға шықты.

Бұған дейін екі команда топтық кезеңде кездесіп, 4:2 есебімен АҚШ жеңген еді.

Ресей екінші жыл қатарынан әлем чемпионатының финалына шығып отыр. 2014 жылғы Минсктегі әлем біріншілігінің финалында ресейліктер Финляндияны 5:2 есебімен жеңген.

Ресей енді финалда Канадамен ойнайды. Канада алғашқы жартылай финалда Чехияны 2:0 есебімен жеңген. Чехия мен АҚШ қола медальға таласады.

Биылғы әлем чемпионатының финалы мен үшінші орын үшін матч 17 мамырда Прагада өтеді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

AzattyqTV

Аудиоподкаст

XS
SM
MD
LG