Accessibility links

Roland-Garros: Дияс екінші кезеңге шықты


Қазақстандық теннисші Зарина Дияс
Қазақстандық теннисші Зарина Дияс

Қазақстандық теннисші, әлемнің 32-ракеткасы Зарина Дияс Парижде өтіп жатқан Roland-Garros ("Ролан Гаррос") ашық чемпионатының бірінші кезеңінде германиялық Дина Пфиценмайермен кездесіп, екі сетте жеңіске жетті.

Дияс бірінші сетте 0:4 есебімен жеңіліп, одан кейін қарсыласынан 6:4 және 6:1 есебімен басым түсті.

Зарина Дияс екінші айналымда словакиялық Анна Каролина Шмидловамен немесе бельгиялық Алисон Ван Эйтванкпен кездеседі.

Осыған дейін, Қазақстанның тағы бір теннисшісі Юлия Путинцева (әлемнің 99-ракеткасы) да екінші кезеңге шыққан. Ол бірінші айналымда сербиялық Александра Круничті жеңген.

Ал қазақстандық басқа теннисшілер Ярослава Шведова, Андрей Голубев пен Михаил Кукушкин бірінші айналымнан өте алмай, жарысты аяқтады.

Roland-Garros - әлемдегі жүлде қоры ең көп Grand Slam жарыстарының қатарына енетін төрт турнирдің бірі. Биылғы жарыстың финалы 1 маусымда өтеді.

XS
SM
MD
LG