Accessibility links

Министрлік: Қырылған киік саны 121 мыңға таяды


Ұрғашы киік пен төлінің өлекселері. Қостанай облысы, 20 мамыр 2015 жыл.

Ұрғашы киік пен төлінің өлекселері. Қостанай облысы, 20 мамыр 2015 жыл.

Қостанай, Ақмола және Ақтөбе облыстарында қырылған киік саны 120 мың 977 басқа жетті деп хабарлады бүгін ауыл шаруашылығы министрлігінің баспасөз қызметі.

Министрлік мәліметінше, Қостанай және Ақтөбе облыстарында қырылған киіктердің өлекселерін жою жұмыстары ендігі аяқталған. Бұл екі облыста қырылған киіктердің саны 112 мың 475 басты құраған. Санақ өлген киіктерді көму кезінде жүргізілген. Соңғы мәлімет бойынша, Ақмола облысының Жарқайың және Жақсы аудандарында киіктің 8502 өлексесі жойылды.

Киіктердің жаппай қырылуы олар төлдейтін және жануарлар тұрақты мекендемейтін өңірлерде де болып жатқаны тіркелген. Киіктер қысты республиканың оңтүстік аймақтарында өткізіп, көктемнің келуімен солтүстікке қарай қоныс аударған. Мұнымен бірге, қырылған жабайы жануарлардың 90 пайызын ұрғашы киіктер құрап отыр. Жануарлардың жағдайы мен олардың қырылу себептерін анықтау бойынша шаралар жалғасып жатыр.

Қазақстанның биологиялық әртүрлілікті сақтау ассоциациясының (ҚБСА) мәліметіне қарағанда, 2014 жылы мемлекеттік киік санағының нәтижесі бойынша Қазақстандағы киіктердің саны 300 мыңнан асқан. Бұл көрсеткіш 2013 жылмен салыстырғанда 50 мың басқа көп.

  • 16x9 Image

    Нұртай ЛАХАНҰЛЫ

    Нұртай Лаханұлы. 1973 жылы дүниеге келген. 1998 жылы әл-Фараби атындағы қазақ ұлттық университетінің филология факультеті бойынша тәмамдаған.  «Қазақстан-Заман» газеті мен «Қазақ радиосында» қызмет еткен. 2010 жылдан бері Азаттық радиосында  жұмыс істейді.

XS
SM
MD
LG