Accessibility links

Футбол: Қазақстан Түркиядан жеңілді


Қазақстан мен Түркия құрамасы ойыны. Алматы, 12 маусым 2015 жыл.

Қазақстан мен Түркия құрамасы ойыны. Алматы, 12 маусым 2015 жыл.

Жұма күні Алматыда Қазақстан құрамасы 2016 жылғы футболдан Еуропа чемпионатының кезекті іріктеу матчында Түркиямен ойнап, 0:1 есебімен жеңілді. Бұл ойындағы жалғыз допты 83-минутта түрік футболшысы Арда Туран салды.

Қазақстан бұған дейін Түркиямен футбол турнирлерінде бес мәрте кездескен. 2004-2005 жылдары Түркия 4-0 және 6-0 есебімен ұтқан.2010-2011 жылғы ойындарда Қазақстан әуелі өз алаңында 0-3 есебімен, сырт алаңда 1-2 есебімен жеңілген. Былтыр Стамбулда өткен соңғы матчта Қазақстан 1-3 болып ұтылған.

Келесі жылы Францияда өтетін Еуропа чемпионатының іріктеу турнирінде Чехия, Исландия, Нидерланд, Түркия және Латвиямен бірге «A» тобына түскен Қазақстан құрамасы бұған дейінгі бес ойыннан бір-ақ ұпай жинап соңғы орында қалған.

XS
SM
MD
LG