Нью-Йорк сауда биржасында шикі мұнайдың бір баррелінің бағасы 1 доллар 63 центке арзандады.
WTI маркалы мұнайдың бір баррелі 51 доллар 41 цент деп бағаланды. Бұл биылғы сәуір айынан бергі ең төменгі баға. Бұған дейін Еуропадағы сауда нәтижесінде Brent маркалы мұнай баррелі 57 доллар 5 цент болып белгіленген.
Wall Street Journal басылымы мұнай бағасының арзандауын АҚШ, Сауд Арабиясы және Иракта шикі мұнай өндірісі көлемінің көбеюімен және Иранға қатысты салынған экономикалық санкцияның жойылуымен байланыстырады.
