Accessibility links

Азаттықтың Қырғыз қызметінің хабарлауынша, Боом шатқалында Бішкек-Қарақол жолы қайта ашылды.

Тамыздың 11-і күні Бішкек-Қарақол жолының 131-километріндегі жартас арасынан өтетін бөлігінде тау жынысы құлап, жолды жауып қалған еді. Зардап шеккендер туралы мәлімет жоқ. Оқиға салдарынан жолдың екі жағында бірнеше километрге созылатын көлік кептелісі пайда болған.

Қырғызстан премьер-министрі Темір Сариев Боом шатқалындағы жағдайға байланысты төтенше жиын өткізіп, жолды тездетіп тазалап, ашуды тапсырған.

Бішкек-Қарақол жолы Қырғызстанның солтүстігіндегі Ыстықкөлге апаратын бірден-бір жол саналады.

Бішкек-Қарақол жолында тау жынысы құлағаны туралы видео:

XS
SM
MD
LG