Accessibility links

ИМ Пальмирадағы көне ғибадатхананы қиратты


Пальмира қаласының көрінісі.

Пальмира қаласының көрінісі.

Белсенділердің мәлімдеуінше, "Ислам мемлекеті" экстермистік тобының содырлары Сирияның Пальмира қаласындағы ЮНЕСКО мұрасына енетін Баал-Шамин ежелгі храмын қиратқан. Сириядағы көне ғимараттар комитетінің жетекшісі Маамун Абдулкаримнің айтуынша, содырлар бірнеше жарылғыш орнатып, Баал-Шамин ғимаратын жарып жіберген.

Syrian Observatory for Human Rights құқық қорғау ұйымы Баал-Шамин көне ғибадатханасының қирағанын растады. Бірақ олардың айтуынша, ИМ содырлары бұл ежелгі храмды бір ай бұрын бұзған. Түркиялық белсенді Осама ал-Хатиб те храм 23 тамыздан бұрын қиратылғанын айтады.

Бірнеше күн бұрын "Ислам мемлекеті" (ИМ) террорлық ұйымының содырлары Пальмира қаласында антикалық дәуірді зерттейтін 82 жасар ғалым Халед Асадты өлтірген еді.

XS
SM
MD
LG