Accessibility links

Қазақстанның бірінші ракеткасы Зарина Дияс АҚШ-тың Нью Хейвен қаласында басталған Connecticut Open жарысының бірінші кезеңінен өте алмады.

Әлемдік рейтингте 34-орында тұрған Дияс бірінші айналымда әлемнің 28-ракеткасы, румыниялық Ирина Камелия-Бегуден 5:7, 7:5, 2:6 есебімен жеңіліп қалды.

Дияс соңғы бір айда Вашингтон, Торонто, Цинцинаттиде өткен жарыстардың екінші кезеңіне шыға алмады.

Тағы бір Қазақстан теннисшісі Юлия Путинцева (77) іріктеуде украиналық Леся Цуренконы 6:1, 6:0 есебімен жеңіп, негізгі кезеңге өтті. Енді ол франциялық Ализе Корнетпен (27) кездеседі.

Нью-Хейвендегі жарыс 30 тамыз күні аяқталады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG