Accessibility links

Назарбаев пен Ердоған телефон арқылы сөйлесті


Қазақстан президенті Нұрсұлтан Назарбаев (оң жақта) пен Түркия президенті Режеп Тайып Ердоған. Астана, 16 сәуір 2015 жыл.
Қазақстан президенті Нұрсұлтан Назарбаев (оң жақта) пен Түркия президенті Режеп Тайып Ердоған. Астана, 16 сәуір 2015 жыл.

Қазақстан президенті Нұрсұлтан Назарбаев Түркия президенті Режеп Тайып Ердоғанмен телефон арқылы сөйлесіп, аймақтағы жағдайды талқылады деп хабарлады бүгін Ақорданың баспасөз қызметі.

«Мемлекеттер басшылары Қазақстан мен Түркия арасындағы екіжақты өзара іс-қимылдың ахуалы мен перспективаларын, сондай-ақ бірқатар өңірлік және халықаралық мәселелерді талқылады. Екі ел лидерлері әлемдік қоғамдастықтың халықаралық терроризмге қарсы күрестегі күш-жігерін қолдайтындарын айтты» делінген ресми ақпаратта.

Телефон әңгімесі түрік тарапының бастамасы бойынша өткені хабарланды.

Қыркүйектің 11-і күні Астанада түркітілдес елдердің мемлекет басшыларының бесінші саммиті өтеді деп жоспарланған.

XS
SM
MD
LG