Accessibility links

Түркияда шабуылдан 10 полицей қаза тапты


Түркиялық полицейлер, Стамбул. (Көрнекі сурет)

Түркиялық полицейлер, Стамбул. (Көрнекі сурет)

Түркияның шығысында бүгін бомба жарылып, 10 полицей қаза тапты.

Жергілікті ақпарат құралдарының хабарлауынша, жарылыс 8 қыркүйекте Әзербайжанмен шекарадағы бекетті қарауылдайтын полицейлерді алып келе жатқан шағын автобуста болған.

Ресми Anatolia агенттігі бұдан бұрын кеше түнде 50-ден астам әскери ұшақ Ирактың солтүстігіндегі тыйым салынған Күрдістан жұмысшы партиясына қарсы рейд жүргізіп, кемінде 35 бүлікшіні өлтіргенін хабарлаған.

6 қыркүйек күні Түркияның оңтүстік-шығысында 16 сарбаз жол жиегіне жасырынған бомбаға түсіп қалып қаза тапқан.

Түркия әскерилері шілде айында Күрд жұмысшы партиясының елдің оңтүстік-шығысы мен Ирактың солтүстігіндегі лагерлеріне әуе шабуылдарын бастаған. Бұдан соң аймақта түркиялық полицейлер мен қауіпсіздік қызметкерлеріне шабуыл жасау көбейді.

XS
SM
MD
LG