Accessibility links

Оралда бұрынғы оқытушы аштығын тоқтатты


Наразылық танытып, аштық жариялап жатқан оқытушы Наталья Черченко. Орал, 27 тамыз 2015 жыл.

Наразылық танытып, аштық жариялап жатқан оқытушы Наталья Черченко. Орал, 27 тамыз 2015 жыл.

Оралда жұмыстан шығарылғанына наразы университет оқытушысы Наталья Черченко бүгін аштығын тоқтатты. Өзін қайтадан жұмысқа алуды талап еткен Черченконың аштық жариялап жатқанына осымен 12-күн болған.

Черченконың Азаттыққа телефон арқылы хабарлауынша, ол аштықты құқық қорғаушы Болат Бисенғалиевтің кеңесімен тоқтатқан. Ол Бисенғалиевтің көмегімен Махамбет Өтемісұлы атындағы Батыс Қазақстан облыстық мемлекеттік университетіне сот арқылы қайта жұмысқа тұруға тырысып көретінін айтады. Бисенғалиев "Черченконың ісімен айналысатынын" растап, әзірге іс матермалымен танысып жатқанын айтты.

Черченконың айтуынша, екі жыл бұрын жергілікті Қазақстан инновациялық технологиялық жүйелері университетінде (ҚазИИТУ) оқытушы болып жүргенінде білім және ғылым министрлігінің сайтына оқу орнындағы "коррупция фактісі" туралы жазған соң қудалау басталған. Университет басшылығы экокомика ғылымдарының кандидаты, 49 жастағы Черченкодан "өз еркімен жұмыстан кетуін" сұраған.

Оқытушы бұдан соң басқа жергілікті университеттерге жұмысқа орналасуға тырысқанын, бірақ "бюрократиялық кедергілерге" ұшырағанын айтады.

16 жастағы мүгедек ұлдың анасы Черченко аштық кезінде дәрігерлер денсаулығын біліп тұрғанын айтты.

2015 жылдың басында облыс прокуратурасы жеке меншік бес оқу орнының қызметін тоқтатқан. Прокуратура "тексеру нәтижесінде оқу орындарындағы оқытушылардың жартысынан көбі іс жүзінде жұмыс істемейтінін" анықтаған.

  • 16x9 Image

    Санат ОРЫН ӘЛИ

    Санат 2014 жылы қарашада Азаттықтың Батыс Қазақстандағы тілшісі ретінде қызметке кірісті. 2005 жылы Батыс Қазақстан мемлекеттік университетінің филология факультетін бітірген. Қызмет жолын "Уральская газета" басылымында бастаған. 2006-2014 жылдары Алматы мен Астанадағы түрлі БАҚ-тарда жарияланып тұрған.

XS
SM
MD
LG