Accessibility links

Қостанайдың экс-әкімі екі айға үйқамаққа алынды


Қостанай облысының аумақтық картасы.

Қостанай облысының аумақтық картасы.

Қостанай қаласының бұрынғы әкімі Ахметбек Ахметжанов екі айға үйқамаққа алынды. Қазақстандық ақпарат құралдарының хабарлауынша, экс-әкімді үйқамақта ұстауға санкцияны 9 қыркүйекте Қостанайдың 2-қалалық сотының судьясы Ләззат Мұхамеджанова берген.

Ахметжанов «қызметтін асыра пайдаланған» және «заңды кәсіпкерлік әрекетке кедергі келтірген» деген күдікке ілінген.

Тергеу материалдарында Ахметжановтың «автокөлік құралдарына арналған халыққа қызмет көрсету орталығы құрылысының тендерін алуға жәрдемдескені» және балабақша құрылысында «жеке бір компанияның мүддесін заңсыз қорғағаны» айтылған.

Ахметбек Ахметжанов Қостанай қаласы әкімі қызметіне 2014 жылы тағайындалған. Ал 8-қыркүйекте «өз еркімен» қызметтен кеткені туралы хабарланған. Ертесінде оны құқық органдары ұстағаны белгілі болған еді.

Бұған дейін, тамыздың басында, Қостанай қаласы әкімінің екі орынбасары – Мақсұт Қалиев пен Фрунзик Аракелян «пара алған» деген күдікпен қамауға алынған.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG