Accessibility links

Франциск АҚШ-қа алғаш рет сапармен барды


Рим папасы Франциск (сол жақта) пен АҚШ президенті Барак Обама. Мэриленд штаты, АҚШ, 22 қыркүйек 2015 жыл.

Рим папасы Франциск (сол жақта) пен АҚШ президенті Барак Обама. Мэриленд штаты, АҚШ, 22 қыркүйек 2015 жыл.

Рим папасы Франциск АҚШ-қа алғашқы ресми сапарымен келді. Мэриленд штатындағы әскери базаға келіп қонған ұшақтан Ватикан басшысын АҚШ президенті Барак Обама отбасы мүшелерімен бірге қарсы алды.

Бір аптаға жалғасатын сапар барысында понтифик Вашингтон, Нью-Йорк және Филадельфияда болады.

Вашингтонда ол АҚШ жерінде алғаш рет әулиелер санатына қосу рәсімін өткізбек. Сонымен бірге ол тұңғыш рет АҚШ конгресінде сөз сөйлейді деп жоспарланған.

Бұдан соң Франциск Нью-Йоркте өтетін БҰҰ-ның құрылғанына 70 жыл толуына арналған салтанатты рәсімге қатысады. Ал папаның басшылығымен Филадельфияда өтетін дүниежүзілік Ватикан отбасылары кездесуіне бір миллионнан аса адам қатысуы мүмкін деп хабарланды.

АҚШ-қа дейін Кубада төрт күндік сапармен болған Франциск сол елде көпшіліктің қатысуымен өткен діни рәсімде халықты «мейірімділік революциясына» шақырған еді.

XS
SM
MD
LG