Accessibility links

Сәкен Тулбаевты Павлодар түрмесіне жөнелткен


Сәкен Тулбаев Бостандық ауданды сотында. Алматы, 28 мамыр 2015 жыл.

Сәкен Тулбаев Бостандық ауданды сотында. Алматы, 28 мамыр 2015 жыл.

Сот үкімімен түрме жазасына кесілген, «Таблиғи Жамағат» діни ағымын ұстанушы 46 жастағы Сәкен Тулбаев бүгін Алматының тергеу абақтысынан Павлодар облысына жөнелтілді деді Азаттыққа тергеу абақтысының өкілі. Бұған дейін абақты бастығы полковник Нұрбол Тайбеков тұтқынға жылы киімдер беруге рұқсат еткенімен оған жолықтырмады деп хабарлады Тулбаевтың туыстарына Азаттыққа.

Алматының Бостандық аудандық соты шілде айында «діни араздықты өршітті және қызметіне тыйым салынған «Таблиғи Жамағат» діни ұйымына мүше болды» деген айыппен Сәкен Тулбаевты төрт жыл сегіз айға бас еркіндігінен айыруға үкім шығарған. Сәкен Тулбаев өзін кінәсізбін деп санайды. Оның сот үкіміне берген шағымын қыркүйектің 7-і күні Алматы қалалық сотының апелляциялық алқасы қанағаттандырмай тастаған.

Астана қаласы Сарыарқа аудандық сотының 2013 жылы ақпанның 26-ы күні шығарған шешіміне сәйкес, «Таблиғи Жамағат» ұйымы экстремистік деп танылып, Қазақстан аумағында оның қызмет-әрекетіне тыйым салынған.

  • 16x9 Image

    Қазис ТОҒЫЗБАЕВ

    Қазис Тоғызбаев Азаттықтың Алматыдағы тілшісі ретінде 2008 жылдан бері жұмыс істеп келеді. Оппозициялық "Сөз" және "Азат" газеттерінде, kub.info сайтында тілші болған.

XS
SM
MD
LG