Қазақстан қор биржасында (KASE) бүгін таңертеңгі саудада АҚШ долларының бағамы 269 теңге 81 тиынды құрады. Бұл 23 қыркүйек күнгі бағамнан 5 теңге 69 тиынға қымбат. Биржа мәліметтері бойынша, бүгін 35 миллион доллар сатылған.
Ақша айырбастау орындарында доллар 271 теңгеден сатылып жатыр.
Қазақстан үкіметі тамыздың 20-сы күні ұлттық валюта бағамының ауытқу шегін алып тастаған соң Қазақстан теңгесі бір күнде шамамен 30 пайызға құнсызданған.
16 қыркүйекте доллар құны 298-300 теңгеге дейін көтерілген соң Қазақстан Ұлттық банкі валюталық интервенция жүргізу туралы шешім қабылдағанын хабарлаған еді.