Қазақстан президенті Нұрсұлтан Назарбаев қыркүйектің 26-сы күні АҚШ-тың Нью-Йорк қаласына барды деп хабарлады Ақорда баспасөз қызметі.
Назарбаев Нью-Йоркте Біріккен Ұлттар Ұйымы Бас ассамблеясының мерейтойлық 70-сессиясына қатысуға барған.
«Нұрсұлтан Назарбаев сондай-ақ іс-шара аясында бірқатар мемлекеттер мен үкіметтердің және АҚШ-тың жетекші компанияларының басшыларымен кездесулер өткізеді» делінген Ақорда ақпаратында.
БҰҰ-ның құрылғанына биыл 70 жыл толып отыр.
