Бүгін Шымкенттегі Наурыз алаңында қала күніне арналған мерекелік шаралар өтті.
Күн райы жауын-шашын болғандықтан мерекелік шараны тамашалауға келгендер қатары шамалы болды. Алаңға көрермен ретінде жиналғандардың басым бөлігі мектеп мұғалімдері мен балабақша қызметкерлері және полицейлер болды.
Сағат 11-де басталады деп хабарлаған шаралар бір сағатқа кешігіп басталды. Оңтүстік Қазақстан облысының аудандары мен жоғарғы оқу орындары 15 киіз үй тігіп, концерттік бағдарламаларын көрсетті. Алаңда жеміс-жидектер көрмесі өтті. Осы маңдағы ипподромда ат жарысы ұйымдастырылды.
Бүгін кешке мерекелік шара «Алтын күз» фестивалі және гала-концертпен жалғаспақ.
Шымкенттегі қала күні мерекесінен фотогалерея:
Шымкенттегі қала күні мерекесі
Шымкентте қала күніне арналған мерекелік бағдарламада ат жарысы, қыз қуу, жамбы ату сияқты ұлттық ойын түрлерінен жарыстар ұйымдастырылып, ұлттық киім үлгілері мен тағам түрлерінен көрме өтті. 17 қазан 2015 жыл.
