Қырғызстанның Ош қаласында Сирия мен Ирактағы соғысқа адам тартумен айналысқан деген күдікпен ер адам ұсталды.
Азаттықтың Қырғыз редакциясының осы елдің ішкі істер министрлігіне сілтеме жасап хабарлауынша, 19 жастағы ер адамды милиция 14 қарашада Ош әуежайында, қырғызстандық азаматты Стамбул арқылы Сирияға жөнелтпек болған кезінде ұстаған.
Ұсталған азамат Қырғызстанда тыйым салынған "Катибат әл-Имам Бұхари" террорлық ұйымының белсенді мүшесі болған.
