Accessibility links

AP: ИМ Вашингтонға шабуылдайтынын айтты


ИМ содырлары.
ИМ содырлары.

"Ислам мемлекеті" (ИМ) экстремистік ұйымы Вашингтонда да өткен аптада Парижде жасалғандай терактілер ұйымдастыратынын айтып, доқ көрсеткен видеожазба жариялады деп хабарлады Associated Press (AP) агенттігі.

12 минутқа созылатын видеода содырлардың бірі АҚШ бастаған коалиция Иракта ИМ-ге шабуылдап жатқаны үшін "Батыс елдеріне соққы жасау қажет" дейді.

ИМ содырлары 13 қарашада Парижде 132 адам мерт болған бірнеше терактіні мойнына алған.

ИМ 31 қазанда Египетте ресейлік жолаушылар ұшағының апатқа ұшырауына да дауапкершілікті мойнына алған. Апаттан ұшақ бортында болған 224 адам түгел қаза тапқан.

Өткен аптада Reuters агенттігі ИМ-нің Сирияда әскери операция жүргізіп жатқан Ресейге қарсы терактілер жасау қаупі барын хабарлаған.

XS
SM
MD
LG