Accessibility links

Бес облыста ауа-райынан жол жабылды


Көрнекі сурет.
Көрнекі сурет.

Қазақстанда бүгін ауа-райының нашарлауынан бес облыста бірнеше жол учаскелерінде көліктердің жүрісіне шектеу қойылды деп хабарлайды "Қазақавтожол" республикалық мекемесі.

Ақмола облысында Астана-Петропавл жолының 18-293 километрі, 304-341 километрі, Көкшетау-Рузаевка жолының 0-61 километрі, Көкшетау-Омбы жолының 2-50 километрі, Көкшетау-Атбасар жолының 0-184 километрі, Астана-Ерейментау-Шідерті жолының 16-205 километрі, Қостанай-Әулиекөл-Сұрған жолының 232-260 километрі аралығында шектеу қойылған.

Солтүстік Қазақстан облысында да ауа-райының қолайсыздығынан Көкшетау-Омбы жолында, Көкшетау-Рузаевка жолы мен Астана-Петропавл жолында барлық көлік түрлерінің жүруіне шектеу қойылған.

Ақтөбе облысында Қарабұтақ-Комсомольское-Денисовка-Рудный-Қостанай жолының 89-231 километрінде қоғамдық және жүк көліктерінің жүруіне шектеу салынған.

Павлодар облысында Ульяновский-Керней-Үміткер-Баянауыл-Қалқаман жолының 0-231 километрі аралығында да барлық көлік түрлерінің жүруіне шекту салынған.

Қостанай облысында да боран мен көктайғақтан Екатеринбург-Алматы жолының 552-729 километрі, Мамлютка-Қостанай жолының 180-243 және 249-404 километрі аралығында барлық көлік түрлерінің қозғалысына шектеу қойылған.

XS
SM
MD
LG