Accessibility links

Александр Зайчиков - ауыр атлетикадан әлем чемпионы


АҚШ-та Хьюстон қаласында өтіп жатқан ауыр атлетикадан әлем чемпионатында 23 жастағы қазақстандық Александр Зайчиков 105 килограмм салмақ дәрежесінде алтын медаль жеңіп алды. 2014 жылғы Алматыдағы әлем біріншілігінде осы салмақта Илья Ильин чемпион атанған еді.

Биылғы әлемдік жарыста Зайчиков қоссайыс қорытындысы бойынша 421 килограмды (191+230) көтерді. Күміс жүлдені 411 килограмды (180+231) көтерген ресейлік Давид Веджанян иеленді. Қола медаль 405 килограмды (179+226) көтерген латвиялық Артурс Плесникске бұйырды.

Александр Зайчиковтың алтыны биылғы әлем чемпионатында Қазақстан құрамасының мүшелері ие болған бесінші жүлде. Бұған дейін Хьюстондағы жарыста Нижат Рахимов алтын, Алмас Өтешов пен Жазира Жаппарқұл – күміс, Жасұлан Қыдырбаев қола медаль иеленген еді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG