Accessibility links

Ауғанстанда үнді консулдығына шабуыл жасалды


Ауған полиция өкілі Кабулдағы шабуыл жасалған мейрамхананың алдында тұр. 2 қаңтар 2016 жыл. (Көрнекі сурет.)

Ауған полиция өкілі Кабулдағы шабуыл жасалған мейрамхананың алдында тұр. 2 қаңтар 2016 жыл. (Көрнекі сурет.)

Ауғанстанның Мазар-и-Шариф қаласында Үндістан консулдығы ғимараты жанында содырлар мен қауіпсіздік қызметкерлері арасында шайқас жалғасып жатыр. Бұған дейін ол жерде екі жарылыс болғаны туралы ақпарат тараған.

Дипломатиялық өкілдікке шабуыл қаңтардың 3-і күні, қас қарая басталған. Балх уәлаяты билігі өкілінің айтуынша, шабуылдың беті қайтарылған, бірақ бірнеше содыр көрші ғимаратқа бекініп алып, қарулы қарсылық көрсеткен. Оқиға барысында кемінде бір бейбіт тұрғын жараланған. Қаза тапқандар мен жаралылар туралы әзірше нақты мәлімет жоқ.

Ауғанстандағы Үндістан елшісі Амар Синха Twitter әлеуметтік желісіндегі парақшасында «консулдық қызметкерлері қауіпсіз жерде» деп хабарлаған.

XS
SM
MD
LG