Accessibility links

Тегеран: 32 млрд долларымыз қайтарылады


АҚШ доллары. Көрнекі сурет.

АҚШ доллары. Көрнекі сурет.

Иран орталық банкі басшысы Валиолах Сейф санкциялар алынып тасталған соң Тегеранның 32 миллиар доллар активтерін қайтарып алатынын мәлімдеді. Сейфтің мәлімдемесін берген Иран мемлекеттік телеарнасының хабарлауынша, халықаралық санкциялар кесірінен шетелде бұғатталған қаржының 28 миллиард доллары 19 қаңтар күні елдің орталық банкіне түседі.

Сейфтің сөзінше, тағы 4 миллиард доллар «мемлекет қазынасына берілмек».

2015 жылы 15 шілдеде Иран мен әлемдік «алтылықтың» Тегеранның ядролық бағдарламасына қатысты келіссөзі нәтижелі аяқталып, тараптар келісім жасасқан еді. Оған сәйкес, Иран өз аумағындағы ядролық нысандарға Халықаралық атом энергиясы агенттігі (МАГАТЭ) тексерушілерін жіберуге, ал Батыс елдері Иранға салынған санкцияларды біртіндеп алып тастауға міндеттеме алған.

МАГАТЭ 16 қаңтарда Иран үкіметі ядролық бағдарламасына қатысты мойнына алған халықаралық міндеттемелерді орындағаны туралы жариялаған.

  • 16x9 Image

    Мәншүк АСАУТАЙ

    1980 жылы туған. Е.Бөкетов атындағы Қарағанды мемлекеттік университетін бітірген.

    Қарағанды қаласындағы жергілікті телеарнада қызмет еткен. 2004 жылдан бері Азаттықтың тілшісі. 

    Автормен оның Facebook парақшасында да пікірлесуге болады.

XS
SM
MD
LG